الدفاع الروسية:15 عسكرياً روسياً لقوا مصرعهم... لنا حق الرد بعد التصرفات العدوانية من قبل الجانب الإسرائيلي في سوريا        أجنحة الشام : 5 رحلات إسبوعياً إلى طهران ابتداءً من سعر 90 ألف ليرة للبطاقة      جدول رحلات صيف 2018 من الكويت إلى دمشق واللاذقية و القامشلي      رحلات أجنحة الشام مستمرة يوميا الى الكويت بالإضافة الى رحلة أسبوعية الى كل من مسقط ويريفان      أجنحة الشام للطيران تطلق      سافر مع أجنحة الشام للطيران من دمشق إلى الدوحة مروراً بالكويت ابتداءً من 115000 ليرة
سورية الجميلة RSS خدمة   Last Update:18/09/2018 | SYR: 20:29 | 18/09/2018
الأرشيف اتصل بنا التحرير













runnet20122






 

باللهجة المحلية... تونس تحارب الفساد
20/10/2008

      


حاجة ما كنتش نعرفها من قبل عرفتها البارح برك، اضراهي بلادنا مصادقة على اتفاقية الامم المتحدة لمكافحة الفساد تي هاي حاجة هايلة خلاص وزعم اشكونهم الفساد الى باش تكافحهم تونس و تحل في شانهم تحقيق جدي وفوري زعمة يوصلو للروس الكبيرة و الا كي كل مرة يعمل كبش فداء كيف اوخينا متع اتحاد الشغل طلعوه سارق المليارت بعد ما كلاو معها لين شبعوا.

 زعمة موش ممكن يوقفوا الرجال بالحق و يقرر الرئيس بيدو فتح تحقيق في جملة من التشكيات متع المواطنين. الى فكولو ارضوا و الى تحيلو عليه و نحولو فلوسوا و الى دخلوهم للحبس بتهم ملفقة و قالوا خوانجية و غيره من هاكة الاوي...

المهم انا نتوجه للحقوقيين و المحاميين و هيك المنضمات الى قالوا راهي متع المجتمع المدني باش تاقف وقفة صحيحة و ترفع قضية لدى الامم المتحدة في ه العباد الفساد هوذم الى كلوا فلوسنا و حطمولنا مستقبلنا و ما يبقاوش انهار الكل و هم يسبوا في فلان و علان و جماعة فلان بيهم و جماعة علان عليهم. يا اخي اتحركوا بشكل قانوني و خاصة انتم عندكم مجال للحركة في الداخل و الخارج و موش مشكل كان قالوا هاذا استقواء بالاجنبي و ما هو معروف تو يجي بسيس يكتب مقال في الصباح و يضرب عليه رزة فلوس و الا هاكة التافه بن نصيب موش مشكل خليهم يسبوا كلب ينبح على طيارة هوما يعرفوا انهم مجرد عساسة و يدبروا في روسهم و يلزمهم يبرروا الفساد و يدافعوا على المفسدين اما انتم يارسول الله واحد كيما بشير الصيد محامي معترف بيه و مقتدر و هو تو عميد المحامين اشبيه ما يرفعش قضية بالفاسدين و الا سي حمة الهمامي علاش ما تجمعوش كلمتكم كيما عملتو في 18 اكتوبر تعملولنا حويجة اخرى على الفساد.

راهو تحرك من ه النوع مهم برشا باش المواطن العادي ما يقولش هوذا جماعة دون يسبوا في الرئيس و ما عندهمش برنامج حقيقي لازمك تاقفوا ضد الفساد و تفضحوا المفسدين و هاككة المواطن يحس انو ثمة اشكون يدافع عليه قدام الهجمة الشرسة متع المافيا.

فالك وزير التربية سي حاتم بن سالم من نهارين عمل اجتماع و اعلن على تشكيل لجنة مهمة متابعة الغيابات متع الاساتذة و التلامذة. بالحق راهو كي يغيبوا الاساتذة بلا حتى مبرر هذا يعتبر فساد و يلزم يوقفوهم عند حدهم لكن الحاجة الباهية زادا انو سي حاتم قال راهو الاستاذ هو محور العملية التربوية و ه الكليمة ما سمعنهاش خلاص في عهد القربي الى هو بيدو متهم بالفساد و قالوا راهو يخدم في جماعة خنيس بودنا سي حاتم يعمل لجنة اخرى تحقق في ه الدعاوي و ما فيها باس راهو كي يقولولنا راهو الصادق القربي فاسد و يعاقبوه على الاقل الواحد يشعر انو ثمة امان اما كل مرة يجينا حد يعمل شاطح باطح و يمشي راهو موش باهي لسمعة بلادنا السيرة على درب الشفافية و العدالة و السيد الرئيس قال ما يتظلم حد في بلادي و ما فيها باس زاد سي حاتم يتعاون مع النقابة و يكملولنا النظام الاساسي راهو عيب اساتذة ما عندهمش ستاتي و زادا يعمل لجنة اخرى تنظر في هيكة النقل التعسفية متع 97 استاذ الى شتتهم القربي قالك اشنوة ماهمش في التجمع ياخي ما يعيش في البلاد كان التجمعيين؟ و بربي سا سي حاتم ما تنساش هيكة الفضيحة متع القربي المتعلقة بطرد 3 اساتذة بلا حد تبرير راهي وصمة عار في جبين وزارة التربية و فعل لا يحبها لا ربي و لا العبد ما فيها باس تقول سلفنا اخطا و هانا باش انرجعوا الحق لصاحبو و رد بالك تعمل كيفو كل مرة يقول راهي مشكلة تتجاوزني احنا نحبو يكون عندنا وزرة بالفم و الملا موش عسكر كردونة دون يصححوا في الورق متع خليان البيوت. وريينا مريرة وحدة انا عايشين في ظل دولة موش قبيلة و الا عشيرة. و رييونا مريرة وحدة انو البلاد فيها قانون.

و السلام عليكم.

 نقلا عن مدونة الساخر


شارك بالتعليق :

الاسم : 
التعليق:

طباعة هذا المقال طباعة هذا المقال

 
 


SyrianInsurance 2018




chambank_hama


Longus






CBS_2018


SyrianKuwait_9_5_18


الصفحة الرئيسية
ســياســة
مال و مصارف
صنع في سورية
أسواق
أعمال واستثمار
زراعـة
سيارات
سياحة
معارض
نفط و طاقة
سوريا والعالم
محليات
مجتمع و ثـقافة
آراء ودراسات
رياضة
خدمات
عملات
بورصات
الطقس